ဝါယာဖြင့် ထိန်းချုပ်မောင်းနှင်ခြင်းနည်းပညာ

ဝါယာဖြင့် ထိန်းချုပ်မောင်းနှင်ခြင်းနည်းပညာ


မောင်းသူမဲ့လေယာဉ်၊ မောင်း သူမဲ့ကား နည်းပညာများရေပန်းစား လာသော ယနေ့ခေတ်တွင် ၀ါယာဖြင့် ထိန်းချုပ်မောင်းနှင်ခြင်း
(Drive-by-Wire Technology) နည်းပညာများ ကို မော်ဒယ်လ်မြင့်ကားမျိုးစုံတွင်  ကျယ်ပြန့်စွာ အသုံးပြုလျက်ရှိသည်။
Drive-by-Wire နည်းပညာသည် ကွန်ပျူတာနည်းပညာနှင့် အီလက် ထရွန်နစ် နည်းပညာများကို ပေါင်း စပ်၍ ကားတစ်စီး၏ လုပ်ငန်း ဆောင်ရွက်မှုများကို ၀ါယာမှတစ်ဆင့် အီလက်ထရွန်နစ်နည်းဖြင့် ထိန်း ချုပ်ခြင်းဖြစ်သည်။

Drive-by-Wire နည်းပညာ သည် လေယာဉ်ပျံသန်းမှု ထိန်းချုပ် ရေးနည်းပညာရပ်များကို အသုံးချ ထားခြင်းဖြစ်သည်။ အရပ်ဘက်နှင့် စစ်ဘက် လေကြောင်းပျံသန်းရေး ထိန်းချုပ်မှုစနစ်များ၌ Fly-by-Wire နည်းပညာများကို (၁၉၉၀) ခုနှစ် ကတည်းက အသုံးပြုလာခဲ့သည်။
ထို နည်းပညာများကို မော်တော်ယာဉ် မောင်းနှင်ထိန်းချုပ်ရေးတွင် အသုံး ချထားခြင်းဖြစ်သည်။

မော်တော်ယာဉ်တစ်စီးအား  ထိန်းချုပ်မောင်းနှင်နိုင်ရန်အတွက် ယာဉ်မောင်းသူတစ်ဦးသည် လီဗာ၊ ကလပ်၊ ဘရိတ်၊ စတီယာရင်နှင့် ဂီယာဘောက်စ်တို့ကို တိုက်ရိုက် ဆက်သွယ်၍ လိုအပ်သလိုထိန်းချုပ် သည်။
¤ တိုက်ရိုက်ထိတွေ့ထိန်းချုပ်ရာ တွင် Mechanical အဆက်များ၊ စတီးကေဘယ်လ်ကြိုးများ၊ ဟိုက် ဒြောလစ် ပိုက်လိုင်းများကိုအသုံးချ သည်။
¤ ယာဉ်မောင်းသူ၏ တိုက်ရိုက် ခွန်အားစိုက်ထုတ် လှုပ်ရှားမှုများဖြင့် မော်တော်ယာဉ်ကို အန္တရာယ်ကင်းစွာ ရွေ့လျားနိုင်အောင် ထိန်းကျောင်း မောင်းနှင်သည်။

〽ဘရိတ်နင်းရသော ခွန်အား စိုက်ထုတ်မှုသက်သာစေရန်နှင့် ထိ ရောက်စေရန် ဆာဗိုဘရိတ်ကိုအသုံး ချသည်။ စတီယာရင်ခွေ လှည့်ရာ တွင်လည်း အားစိုက်ရသက်သာစေရန် ပါဝါစတီယာရင်ကို အသုံးချခဲ့သည်။
● သို့သော်လည်း ယာဉ်မောင်းသူ၏ ခွန် အားစိုက်ထုတ်ပြီး လှုပ်ရှားရသော ဖြစ်စဉ်များသာဖြစ်သည်။ ကားစက် ရှိန်မြှင့်ရန် လီဗာကြိုးကို နင်းရသည်။

 Drive-by-Wire နည်းတွင် ယာဉ်မောင်းသူ၏ ခွန်အားစိုက်ထုတ်ရ သော Mechanical အဆက်အသွယ် များ၊ ဟိုက်ဒြောလစ်ပိုက်လိုင်းများ မပါဝင်တော့ပါ။
♤ ခေတ်ဟောင်း ရှေး ရိုးစံထား ထိန်းချုပ်ရေးနေရာတွင် ဆင်ဆာများမှ အာရုံခံ၍ ကွန်ပျူတာ သို့ သတင်းပို့ပြီး အီလက်ထရွန်နစ် နည်း၊ လျှပ်စစ်-စက်မှုနည်းများဖြင့် ထိန်းချုပ်ခြင်းဖြစ်သည်။

ယာဉ်မောင်းသူ၏ ခွန်အားစိုက် ထုတ်မှု၊ အဆက်အသွယ်များနှင့် တိုက်ရိုက်ထိတွေ့မှုမရှိတော့ဘဲ ၀ါယာ ကြိုးများကတစ်ဆင့်သာ အမိန့်နှင့် ညွှန်ကြားချက်များကို ကွန်ပျူတာ ထိန်းချုပ်ယူနစ်သို့ ပေးပို့ခြင်းဖြစ် သည်။ ၀ါယာကြိုးများမှ သွားသော ယာဉ်ထိန်းချုပ်ရန် သတင်းအချက် လက်များသည် အီလက်ထရွန်နစ် သတင်းအချက်အလက်များသာဖြစ် သည်။

♻ယာဉ်လှုပ်ရှားရန် အမိန့်နှင့် ညွှန်ကြားချက်များသည် ၀ါယာကြိုး များမှ တစ်ဆင့်သွားခြင်းဖြစ်၍ တုံ့ပြန်မှု ပို၍မြန်ဆန်သည်။ တိကျ သည်။
♡ Mechanical Link အတော် များများကို ဖယ်ရှားပြီးဖြစ်၍ ယာဉ် အလေးချိန်လျော့ကျသွားသည်။ ပွန်း စားမှုနှင့် ပျက်စီးမှုပြဿနာများလည်း လျော့နည်းသွားသည်။

➰Drive-by-Wire နည်းပညာ ကို သုံးစွဲခြင်းကြောင့် ဘရိတ်၊ လီဗာ၊ စတီယာရင်နှင့် ဆက်နွှယ်နေသော Mechanical အဆက်အသွယ်နှင့် ပစ္စည်းကိရိယာအစိတ်အပိုင်း အတော် များများကို ထည့်သွင်းတပ်ဆင်စရာ မလိုတော့၍ အင်ဂျင်ဒီဇိုင်းကို စိတ် ကြိုက်ပြောင်းလဲ တည်ဆောက်နိုင် သည်။

ခေတ်ဟောင်းကားများတွင် ဟိုက်ဒြောလစ်စနစ်နှင့် Mechanical စနစ်များ၌ အစိတ်အပိုင်းများစွာပါဝင် နေ၍ အင်ဂျင်ခန်းတွင်း၌ ရှုပ်ထွေး နေသည်။
▪ ဘရိတ်မာစတာ ဆလင်ဒါ၊
▪ ဘရိတ် Booster ၊
▪ စတီယာရင်ကော် လံ၊
▪ စတီယာရင်ဂီယာဘောက်စ်၊
▪ စတီယာရင်ရှပ်၊
▪ ဟိုက်ဒြောလစ်ပိုက် လိုင်းများ၊ ကေဘယ်လ်ကြိုးအဆက် များသည် ယခင်ခေတ်ဟောင်းကား များ၌ မရှိမဖြစ်လိုအပ်သော အစိတ် အပိုင်းများဖြစ်သည်။
Drive-by-Wire နည်းတွင် ထိုအရာများအားလုံး ကို ကျော်လွှားနိုင်သည်။

Drive-by-Wire အမျိုးအစားများ

✳မော်တော်ယာဉ်တစ်စီး၏ Operation လုပ်ငန်းများအတွက် အဓိကအားဖြင့် Drive-by-Wire အမျိုးအစား (၃) မျိုးခွဲခြားထားသည်။

(၁) Throttle-by-Wire

Throttle-by-Wire နည်းကို Acceleration-by-Wire နည်းဟု လည်းခေါ်သည်။ ကားလောကစကား နှင့် ရိုးရိုးပြောရလျှင် ကြိုးမဲ့လီဗာ ဖြစ်သည်။
ခေတ်ဟောင်းကားများ တွင် လီဗာ နှင့် ကာပရိုက်တာ၊ သရော်တယ်ဗားတို့ကို လီဗာ ကေဘယ်လ်ကြိုးနှင့် တိုက်ရိုက်ဆက် ထားသည်။
• ယာဉ်မောင်းခြေဖျားမှ လီဗာနင်းသလောက် သရော်တယ်ဗား ပွင့်၍ အင်ဂျင်အရှိန် အနိမ့် / အမြင့် ကို ထိန်းချုပ်သည်။

Throttle-by-Wire နည်းတွင် လီဗာကြိုးမပါဝင်တော့။ ဤစနစ် တွင်
● Pedal Unit နှင့်
● Engine Management System တို့ပါဝင် သည်။
》လီဗာယူနစ်ခေါ် Pedal Unit တွင် (Sensor)ဆင်ဆာခေါ် အာရုံခံ ကိရိယာတပ်ဆင်ထားသည်။ ယာဉ် မောင်းသူက ကားအရှိန်မြှင့်ရန် လီဗာ နင်းလိုက်ပါက Sensor က Engine Management System သို့ သတင်းပို့သည်။ Engine Management System သည် ကွန်ပျူတာပင်ဖြစ်သည်။
▪ လီဗာ နင်း သလောက် ကားအရှိန်မြှင့်ရန် ကွန်ပျူတာက လိုအပ်သောလောင်စာ ဆီပမာဏနှင့် သရော်တယ်ဗားပွင့်ရ မည့်ပမာဏကို တွက်ချက်ဆုံးဖြတ် ပေးသည်။
▪ ကွန်ပျူတာအမိန့်ပေး ချက်အတိုင်း Actuator က Electromechanicalနည်းဖြင့် သရော်တယ်ဗားကို ဖွင့်ပေးသည်။
 ထို စနစ်ကို Electronic Throttle Control (ETC) ဟုလည်းခေါ်သည်။

(၂) Brake-by-Wire

Brake-by-Wire နည်းတွင် ဘရိတ်ခြေနင်းတံနှင့် ဘရိတ်ဆုံများ ကြားတွင် တိုက်ရိုက်ဆက်သွယ်ထား ခြင်းမရှိ။ ဘရိတ်ခြေနင်းတံသည် အီ လက်ထရွန်နစ် ခလုတ်တစ်ခုမျှသာ ဖြစ်သည်။ ဘရိတ်နင်းသော အကွာ အဝေးအတိုင်း ယာဉ်မောင်းသူဆန္ဒရှိ သော ဘရိတ်ဖမ်းအား (Brake Force)အတိုင်း ကားဘီးများပေါ်သို့ သက်ရောက်မှုရှိစေရန် Actuator မှ Electromechanical နည်းဖြင့် ဆောင်ရွက်ပေးခြင်းဖြစ်သည်။

ABS ဘရိတ်စနစ်သည် Brake-by-Wire နည်းပညာ၏ ရှေ့ ပြေးဘရိတ် နည်းပညာဖြစ်သည်။ ABS ဘရိတ်စနစ်ကို ကားအတော် များများတွင် အသုံးပြုထားသည်။ ဟိုက်ဒြောလစ်စနစ်အခြေခံကို အသုံး ပြုထားသော်လည်း ယာဉ်မောင်းသူ၏ အားစိုက်ထုတ်မှုမပါဘဲ ABS စနစ် အလုပ်များ ဆောင်ရွက်နိုင်စွမ်းမရှိ ပါ။
¤ Brake-by-Wire စနစ်တွင် လည်း ဘရိတ်ခြေနင်းသည် ကွန်ပျူ တာသို့ အီလက်ထရွန်နစ် သတင်း အချက်အလက်သာ ပေးပို့သည်။
¤ ကွန်ပျူတာ၏ ခိုင်းစေချက် အတိုင်း Electromechanical Actuator က ဆက်လက်ဆောင်ရွက် ၍ ဘရိတ်ဖမ်းအားကို သက်ရောက်စေ သည်။

• Electronic Stability Control စနစ်၊
• Traction Control စနစ်နှင့်
• Automatic Braking စနစ် များသည်လည်း Brake-by-Wire နည်းပညာနှင့် ပေါင်းစပ်၍ မော်တော် ယာဉ်တစ်စီး၏ တည်ငြိမ်ရေးနှင့် ဘေးကင်းလုံခြုံရေးတို့ကို ဆောင်ရွက် ပေးသည်။

Brake-by-Wire နည်းပညာ တွင်
♢ ဟိုက်ဒြောလစ်အခြေခံဘရိတ် စနစ်နှင့်
♢ လျှပ်စစ်မော်တာ (Electric Motor)စနစ်ဟူ၍ နှစ်မျိုးကွဲပြား သည်။ Brake-by-Wire စနစ်၏ အသေးစိတ်ဒီဇိုင်းနှင့် တည်ဆောက် ဖွဲ့စည်းပုံကွဲပြားခြားနားခြင်းသည် ကားထုတ်လုပ်သောကုမ္ပဏီအလိုက် ကွာခြားသည်။

(၃) Steer-by-Wire

မော်တော်ယာဉ်အများစုတွင် စတီယာရင်စနစ်ကို Rack and Pinion ယူနစ် (သို့မဟုတ်) Worm and Sector ဂီယာဘောက်စ်စနစ် တို့ကို အသုံးပြုပြီး စတီယာရင်ခွေ နှင့်ဆက်ထားသည်။ စတီယာရင် ခွေကို လှည့်လိုက်ရင်  Rack and Pinion (သို့မဟုတ်) Worm and Sector ယူနစ်တို့လိုက်လည်သည်။

၎င်းင်းတို့ကို တိုက်ရော့ဒ်၊ ဘော်လ်ဂျွိုင်းများနှင့် ဆက်သွယ်ထား သည်။ Steer-by-Wire စနစ်တွင် Mechanical အဆက်အသွယ်များ မရှိဘဲ စတီယာရင်အုံ၏ လည်ပတ်မှု ဒီဂရီကို ဆင်ဆာက အာရုံခံပြီး ကွန် ပျူတာသို့ သတင်းအချက်အလက် ပို့ပေးသည်။
□ ကွန်ပျူတာမှ Actuator  သို့အမိန့်ပေးပြီး လျှပ်စစ်မော်တာကို လည်ပတ်စေခြင်းဖြင့် စတီယာရင်ကို ဘယ် / ညာချိုးကွေ့စေသည်။

✔Drive-by-Wire နည်း၏ အားသာချက်များ✔

 ရှေးရိုးစံထားကားများမှ မလို အပ်သော အစိတ်အပိုင်းများကို ဖယ် ရှားထား၍ ပြုပြင်ထိန်းသိမ်းမှု ပျက်စီး မှုပြန်လည်ချိန်ညှိပေးရခြင်းဒုက္ခများမှ ကင်းဝေးသည်။

 အလေးချိန်လျော့ကျသွား၍ ဆီစားသက်သာသည်။

 အင်ဂျင်ခန်းတွင် နေရာပို ကျယ်လာ၍ ဒီဇိုင်းစိတ်ကြိုက်ပြောင်း လဲနိုင်သည်။

 Mechanical Control ထက် တုံ့ပြန်မှုအချိန်ပိုမိုမြန်ဆန် သည်။

♻Drive-by-Wire နည်းပညာ၏ အားသာချက်များသည် မောင်းသူမဲ့ ကားနည်းပညာများကို ပိုမိုတိုးတက် ဖွံ့ဖြိုးရေးအတွက် အထောက်အကူပြု ပေးသည်။ ဈေးကွက်တွင် နည်းပညာ အသာစီးရရှိရေးကို ယှဉ်ပြိုင်နေကြရ သော ယနေ့ကားကုမ္ပဏီကြီးများ သည် Drive-by-Wire နည်းပညာများ ကို ပိုမိုအသုံးပြု ထုတ်လုပ်လာကြ သည်။
 ထိုနည်းပညာကို အသုံးချသော ကားထုတ်လုပ်သူများမှာ BMW, Mercedes-Benz, Land Rover, Toyota, Nissan, GM နှင့် Volkswagon ကားကုမ္ပဏီကြီးများ ဖြစ်သည်။

♻အနာဂတ်တွင် Drive-by-Wire နည်းပညာနှင့်  Driveless Car  နည်းပညာများ ပေါင်းစပ်၍ ကွန်ပျူတာ ထိန်းချုပ်မှုရာနှုန်းပြည့် ပါဝင်သော မျိုးဆက်သစ်ကားများ ပေါ်ပေါက်လာတော့မည်။
☆ အီလက် ထရွန်နစ်နည်းပညာနှင့် ကွန်ပျူတာ နည်းပညာများပေါင်းစပ်မှုသည် ပိုမို ဘေးကင်းလုံခြုံသော၊ ပိုမို၍ သက် သောင့်သက်သာရှိသော၊ စွမ်းဆောင် ရည်ပြည့်ဝသော၊ သခင်အလိုကျ ဆောင်ရွက်ပေးနိုင်သော အဆင့်မြင့်  ကားများပေါ်ပေါက်လာစေ မည်ဖြစ်ပါသည်။


Credit》》
ကားချစ်သူ>>>>
မင်းသစ်ထူး(စက်မူ)