လေ့လာမိသော အဲယားကွန်းအကြောင်း (Air-conditioning System)

မင်္ဂလာပါခင်​ဗျာ။

လေ့လာမိသော အဲယားကွန်းအကြောင်း
(Air-conditioning System)
♻️♻️♻️♻️♻️♻️♻️♻️♻️♻️♻️♻️♻️♻️♻️

💠အအေးဓာတ်ပေးခြင်း💠

အအေးဓာတ်ပေးသည့် အတတ်မှ လူတို့ရရှိသည့် အကြီးမားဆုံးသော အကျိုးကျေးဇူး သည်ကား အစားအစာများကို အေးအောင်ပြုလုပ်ထားနိုင်ခြင်းနှင့် ထိုသို့ ပြုလုပ်နိုင်ခြင်းကြောင့် အစားအစာ များ မပုပ်မသိုးအောင် ဖန်တီးထားနိုင်ခြင်းပင် ဖြစ်လေသည်။ အအေးဓာတ်ပေး ခြင်းသည် အစားအစာများ ထားရှိသည့် လုံခြုံသောနေရာရှိ ပတ်ဝန်းကျင်ထက် ပို၍ အေးအောင် ဖန်တီးထားခြင်း ဖြစ်လေသည်။

ထိုသို့ အအေးဓာတ်ပေးနိုင်သဖြင့် အစားအစာများ မသိုးမပုပ်၍ လူတို့သည် အစာအမျိုးမျိုးကို တစ်နှစ် ပတ်လုံး စားသောက်နိုင်ကြလေသည်။ ၁၈၇ဝ ပြည့်နှစ် မတိုင်မီက လူများသည် အအေးဓာတ်ပေးသည့် အတတ်ကို မတတ်ကြသေး ချေ။ ကန်များ၊ အိုင်များ၊ သို့မဟုတ် မြစ်များအတွင်း၌ဆောင်း ရာသီအခါ ခဲနေသည့် ရေခဲများကို ခွဲဖြတ်ကြပြီးလျှင် ထိုရေခဲ တုံးများဖြင့် အစားအစာများကို အအေးဓာတ် ပေးခဲ့ကြ သည်။ ထိုပြင် နွေရာသီ၌ အသုံးပြုနိုင်ရန် ရေခဲများကို ရုတ်တစ်ရက် အရည်ပျော်မသွားစေရန် လွှာစာမှုန့်၊ ဖွဲ စသည့်ပစ္စည်းများနှင့် ဖုံးအုပ်ပြီးလျှင် ထားလေ့ရှိကြသည်။ ကမ္ဘာအပူပိုင်းဒေသများသို့ ရေခဲများကို လှေ၊ သင်္ဘော၊ မီးရထား၊ မော်တော်ကား စသည် တို့ဖြင့် ပို့ပေးကြရလေသည်။ ခရီးဝေးကွာသော နေရာများသို့ ပို့ပေးကြရသောအခါတွင် စရိတ်များလွန်းသဖြင့် ရေခဲကို လူတိုင်း မသုံးနိုင်ခဲ့ကြချေ။ ရှေးခေတ်နှင့် အလယ်ပိုင်းခေတ် များအတွင်းက ရေခဲများကို တောင်ထိပ်များမှ ခြေမြန်တော်များ၊ သို့မဟုတ် မြင်းများဖြင့် သယ်ဆောင်စေကာ ကြေးရတတ်များ ကသာ သုံးဆောင်နိုင်ခဲ့ကြလေသည်။

ရေခဲသည် အစဉ်သဖြင့် ဖာရင်ဟိုက် ၃၂ ဒီဂရီ အပူချိန်တွင် အရည်ပျော်သဖြင့် ယင်းသည် အအေးဓာတ် ပေးရာ၌ အသုံးဝင် လေသည်။ ရေခဲသည် အပူကိုလွန်စွာ စုတ်ယူနိုင်စွမ်း ရှိလေ သည်။ ရေခဲတစ်ပေါင် အရည် ပျော်တိုင်း အပူကယ်လိုရီ (အပူဧကမူ)ပေါင်း ၃၆,၂ဝဝ ကို စုတ်ယူနိုင်လေသည်။ ထို အချက်ကြောင့် အစား အစာများကို မပုပ်မသိုးအောင် ဖန်တီး ကြရာတွင် ရေခဲကို အသုံးပြုကြခြင်း ဖြစ်သည်။ အအေးဓာတ် ပေးသည့် ကိရိယာတွင် အအေးဓာတ်ကို ကာကွယ်ထားသည့် နေရာတစ်ခု၊ သို့မဟုတ် သေတ္တာတစ်ခုရှိသည်။ ထိုသေတ္တာ တွင် ပျက်စီးလွယ်သော အစားအစာများကို ထည့်ထားရသည်။ ရေခဲက သေတ္တာနှင့် သေတ္တာတွင်းရှိ ပစ္စည်းများကို အစားအစာ များအား ပျက်စီးစေသည့် ဗက်တီးရီးယားများ ဖြစ်ပေါ်မှုကို တားဆီးနိုင် လောက်အောင် အေးစေသည်။ ရေခဲသည် သေတ္တာ တွင်းရှိ တစ်နေရာတွင် ရှိသည်။ ရေခဲ အရည်ပျော်သော အခါ တွင် အပူကို စုတ်ယူ၏။ ထိုနည်းဖြင့် ရေခဲက အပူချိန်ကို အေးနေစေသည်။ အအေးကို ကာကွယ်ထား သည့် နံရံများမှ တစ်ဆင့် အပူသည် အအေးဓာတ်ပေးထားရာသို့ စိမ့်ဝင်သွား နိုင်သည်။ ထိုပြင် အပူသည် ကိရိယာ၏ တံခါးကို ဖွင့်လိုက် တိုင်းတွင်လည်း လေ၊ သို့မဟုတ် အစာနှင့်အတူ ပါဝင်လေ့ ရှိသည်။

ရေခဲမုံ့လုပ်ရာတွင်လည်း ရေခဲကိုပင် အသုံးပြုလေ့ရှိကြသည် ရေခဲမုံ့ဖြစ်စေမည့် ပစ္စည်းများကို ရောစပ်ပြီးလျှင် သံဖြူခွက် ရှည်ရှည်တစ်ခုတွင် ထည့်ထားရသည်။ ထိုခွက်၏ ပတ်ဝန်းကျင် တွင် ရေခဲတုံးများကို ကြေ အောင်ချေပြီးလျှင် သိပ်၍ထည့် ပေးရသည်။ ထိုရေခဲကြေများနှင့် ရော၍ ရိုးရိုအိမ်သုံးဆားကို ထည့်ပေး ရသည်။ ထိုသို့ ဆားနှင့် ရောထားသည့် ရေခဲသည် ဖာရင်ဟိုက် သုညဒီဂရီတွင် အရည်ပျော်နိုင်လေသည်။ ထိုသို့ အရည်ပျော်ရာတွင်ရှိသော အပူချိန်သည် ရေခဲမုံ့လုပ်ရန်ရော ထားသည့် အရောထဲမှ အပူကို ထုတ်ပယ် ကာ ရေခဲမုံ့ အစိုင်အခဲ ဖြစ်သွားစေလေသည်။

အအေးဓာတ်ပေးရာတွင် ရေခဲကိုသာ အသုံးပြုကြသည် မဟုတ်သေး၊ ကာဗွန်ဒိုင်အောက်ဆိုက်ဓာတ်ငွေ့ကိုအခဲဖြစ် အောင် ဖန်တီးထားသည့် ရေခဲခြောက်ခေါ် ပစ္စည်းကိုလည်း အသုံးပြုလေ့ ရှိကြသေးသည်။ သာမန် လေထုဖိအားရှိချိန်၌ ကာဗွန်ဒိုင်အောက်ဆိုက်သည် အခဲ၊ သို့မဟုတ် ဓာတ်ငွေ့ အဖြစ်နှင့်သာ တည်ရှိနိုင်သည်။ ရေခဲခြောက်သည် အပူချိန် ဖာရင်ဟိုက် ၁၁ဝ ဒီဂရီတွင် အခဲအဖြစ်မှ ဓာတ်ငွေ့အဖြစ်သို့ တိုက်ရိုက် ပြောင်းလဲသွားသည်။ ထိုသို့ ပြောင်းလဲသွာသော အခါ အရည်အဖြစ်နှင့် မည်သည်မျှ မကျန်ခဲ့ပေ။ ထိုမှတစ်ပါး ရေခဲခြောက်မှ ရရှိနိုင်သော အလွန်နိမ့်သည့် အပူချိန်သည်ရေခဲ မုံ့နှင့် အလားတူပစ္စည်းများကို သယ်ယူ ပို့ဆောင်ရေးအတွက် များစွာ အသုံးကျပေသည်။ ကျွန်ုပ်တို့ ရှူရှိုက်နေကြသော လေတွင် ကာဗွန်ဒိုင် အောက်ဆိုက် ဓာတ်ငွေ့သည်လည်း ပါရှိသဖြင့် ထိုဓာတ်ငွေ့၌ အဆိပ်ဓာတ်မရှိကြောင်းမှာထင်ရှား လေသည်။ သို့သော် ထိုရေခဲခြောက်များကို ကိုင်တွယ်ရာတွင် လက်အိတ်များကို အသုံးပြုကြရလေသည်။ သို့မဟုတ်လျှင် လက်များ ပေါက်ပြဲကုန်ပေလိမ့်မည်။ ထိုရေခဲခြောက်များမစား နိုင်ချေ။ အကယ်၍ ရေခဲခြောက်ကို မျိုမိလျှင် လွန်စွာနာကျင် ပေလိမ့်မည်။ များသောအားဖြင့် သေတတ်လေသည်။ အရည်တစ်ခု ဆူပွက်ခြင်းသည် ထိုအရည်ပေါ်ရှိ ဖိအားပေါ် တွင် အခြေတည်လေသည်။ သာဓကအဖြစ် ဖော်ပြရသော် သာမန်လေထုအားဖြစ်သော စတုရန်းတစ်လက်မပေါ်၌ ဖိအား ပေါင်ချိန် ၁၄့၇ ရှိချိန်တွင် ရေသည် ဖာရင်ဟိုက် ၂၁၂ ဒီဂရီ ၌ ဆူပွက်လေသည်။ ရေပေါ်ရှိ ဖိအားကိုသာ လေထုတ်ပြွန် တစ်ခုခုဖြင့် စတုရန်း တစ်လက်မပေါ်တွင် ပေါင်ချိန် ဝ့၁၂၂ အထိ လျှော့ချ ပေးနိုင်ခဲ့လျှင် ထိုရေသည် ဖာရင်ဟိုက် ၄ဝ ဒီဂရီ၌ ဆူပွက်လာပေလိမ့်မည်။ ထိုကြောင့် ပစ္စည်းတစ်ခုခုကို ဖာရင်ဟိုက် ၄ဝ ဒီဂရီထက် အေးအောင် ပြုလုပ်ပေးရန် မလိုလျှင် ရေကို အအေးဓာတ်ပေးသည့် ပစ္စည်းအဖြစ်နှင့် အသုံးပြုနိုင်လေသည်။

အအေးဓာတ်ပေးသော ကိရိယာများအတွင်းရှိ ကွန်ပရက်ဆာ များက ဖိအားကိုသာ ထိန်းသိမ်းထားနိုင်လျှင် သင့်တော်သည့် အပူချိန်နည်းနည်း၌ ဆူပွက်သည့် အရည်များကို အအေးဓာတ် ပေးသည့် ပစ္စည်းများအဖြစ်နှင့် အသုံးပြုနိုင်ပေသည်။ အမ်မိုနီယာသည် လူသုံးများသည့် အအေးဓာတ်ပေးသော ပစ္စည်းတစ်မျိုးဖြစ်သော်လည်း ယခုအခါတွင် ထိုပစ္စည်းထက်ပို၍ နှစ်သက်ဖွယ်ကောင်းပြီးလျှင် အဆိပ်ဓာတ်လည်း ပို၍နည်းပါး သော အအေး ဓာတ်ပေးသည့် ပစ္စည်းများကို ပိုမို၍ သုံးစွဲလာ ကြလေသည်။ ထိုကဲ့သို့သော ပစ္စည်းမျိုးများအနက် ဖရီယွန် ၁၂ သည် တစ်မျိုးဖြစ်၏။ ထိုဖရီယွန် ၁၂ ၏ ဓာတုဗေဒအမည်မှ ဒိုင်ကလိုဒိုင်ဖလူအိုရို မက်သိန်း ဖြစ်သည်။ လေထဲ၌ ထိုပစ္စည်း ၂ဝ ရာခိုင်နှုန်း ပါရှိနေစေကာမူ အဆိပ်မဖြစ်ချေ။ အခြားအသုံးများကြသော အအေးဓာတ် ပေး ပစ္စည်းများတွင် ဆာလဖာဒိုင်အောက်ဆိုက်နှင့် ဖရီယွန် ၁၁၄ ခေါ် ဒိုင်ကလိုရို တက်ထရာ ဖလူအိုရို အက်သိန်း ဓာတ်ပစ္စည်းတို့လည်း ပါဝင် သည်။

ပစ္စည်းတစ်ခုခုသည် ရုပ်အခြေအနေ ပြောင်းလဲသောအခါ တွင် အပူကိုစုတ်ယူခြင်းသော်လည်းကောင်း၊ ထုတ်လွှတ်ခြင်း သော်လည်းကောင်း ပြုလုပ်သည်။ ပုံပမာ - အရည်အဖြစ်မှ ဓာတ်ငွေ့အဖြစ်သို့ ပြောင်းလဲသွား ခြင်းနှင့် ဓာတ်ငွေ့အဖြစ်မှ အရည်အဖြစ်သို့ ပြန်လည်ပြောင်းလဲသည့်အခါမျိုး၌ ဖြစ်သည်။ အထက်တွင် ဖော်ပြခဲ့သည့်အတိုင်း ရေခဲမှ ရေအဖြစ်သို့ပြောင်း လဲသွားသောအခါ အပူကို စုတ်ယူသွား၍ ရေအဖြစ်မှ ရေနွေး အဖြစ်သို့ ပြောင်းလဲရရာတွင်လည်း အပူကို စုတ်ယူသွားလေ သည်။ ထိုသို့ ရုပ်အခြေအနေ ပြောင်းလဲခြင်းသည် ထိုပစ္စည်း ပေါ်ရှိ လေထုဖိအားပေါ်တွင်လည်း အခြေတည်လေသည်။ အရည်တစ်ခုသည် ဓာတ်ငွေ့အဖြစ်သို့ ပြောင်းလဲသော အပူချိန် သည် ထိုအရည်ပေါ်ရှိ လေထုဖိအားကို မြှင့်တင်ပေးသောအခါ မြင့်လာသည်။ လေထုဖိအားကို နှိမ့်လိုက်သောအခါ အပူချိန် သည် နိမ့်သွားသည်။

ဖိအားကိုသာ နှိမ့်ထားနိုင်လျှင် အရည်၏ အပူချိန်သည် နိမ့်နေ၍ ထိုအခါ အရည်၏ ပတ်ဝန်းကျင်ရှိ နေရာသည်လည်း အအေးဓာတ်ပေးပြီးသား ဖြစ်သွားလေသည်။ ယိုစိမ့်မှုသာ မဖြစ်ပွားလျှင် ထိုအအေးဓာတ်ပေးသည့်ပစ္စည်း ကို နှစ်ပေါင်း အတော်ကြာသည်အထိ ဆက်၍ သုံးစွဲနိုင်ပေ သည်။

ဖိအားနည်းနည်းသာရှိသော အခိုးအငွေ့ကို ဖိအားများသော အခိုးအငွေ့အဖြစ်သို့ ကွန်ပရက်ဆာက ပြောင်း လဲပေးနိုင်သည်။ ထိုသို့ဖြစ်နိုင်ရန် ကွန်ပရက်ဆာကို မိုတာ တစ်ခုခုကဖြစ်စေ၊ အင်ဂျင်(စက်)တစ်ခုခုကဖြစ်စေ ခုတ်မောင်းပေးရသည်။ များသောအားဖြင့် ပြုလုပ်လေ့ရှိသည်မှာ လျှပ်စစ်အားဖြင့် လည်စေ၍ မိုတာမှတစ်ဆင့် အအေးဓာတ်ကို ထုတ်လုပ် ယူလေသည်။

အစားအစာများကို အချိန်အနည်းငယ်မျှသာ ကြာအောင်ထား လိုလျှင် ဖာရင်ဟိုက် ၄၅ ဒီဂရီထက် မပို သော အပူချိန်သည် လုံလောက်သည်ဟု ယူဆကြသည်။ သို့သော် နွားနို့နှင့် မချက်ရသေးသော အသား (အသားစိမ်း)များကို အပူချိန် နှင့်ထားလျှင် ယင်းတို့သည် တစ်ရက်နှစ်ရက်ထက်ပို၍ခံမည် မဟုတ်ချေ။ ထို ကြောင့် အစားအစာများကို များသောအား ဖြင့် အချိန်အကန့်အသတ်နှင့် ရေခဲဖြင့် အအေးဓာတ်ပေးခြင်းကို ပြု လုပ်လေ့ရှိကြသည်။ ထိုသို့ ပြုလုပ်ရန် အအေးဓာတ်ပေး စက်အဖို့ မခဲယဉ်းချေ။ ထိုစက်ဖြင့် လိုသည့်အခန်း များကိုသာ လိုသလို အအေးဓာတ်ကို ပေးသွားနိုင်လေသည်။ လျှပ်စစ်ဓာတ်ဖြင့် အအေးဓာတ်ပေးသော စက်မျိုးရှိသည်။ ထိုစက်တွင် အငွေ့ပျံစေသည့် ကိရိယာအတွင်း ရှိ ဖိအားကို ကွန်ပရက်ဆာဖြင့် လျှော့ချလိုက်သောအခါ အအေးဓာတ်ကို ဖြစ်စေသည့် ပစ္စည်း၏ အပူချိန် သည် လျော့ကျသွားလေသည်။ အစားအစာထားသော အခန်းတွင်းရှိ အပူပိုသည် အငွေ့ပျံသည့် ပစ္စည်း ထားရှိ ရာအခန်း၏နံရံများမှ စီးသွားသည်။ ထိုအခါတွင် အတွင်းရှိ အအေးဓာတ်ကိုဖြစ်စေသောအရည် သည် အငွေ့ သော်လည်း ပျံသွားသည်။ သို့မဟုတ် အငွေ့ အဖြစ်သို့ ဆူပွက်သွားလေသည်။ ထိုအငွေ့တွင် အပူချိန်နိမ့်နိမ့် နှင့် ပင်လျှင် အအေးဓာတ်ပေးသည့်စက်အတွင်းရှိအပူပို များများကို စုတ်ယူပြီးလျက် ရှိသည်။

ထိုအပူပိုပါရှိပြီး အငွေ့ကို ပျံစေသည့် ကိရိယာမှကွန်ဒင် ဆာသို့ ဆက်သွယ်ထားသည့် ပြွန်ငယ်များဖြင့် ဆွဲယူ သည်။ ကွန်ဒင်ဆာကို အစာထားရှိသော အခန်း၏ အပြင်ဘက်တွင် ထားရှိသည်။ ထိုကွန်ဒင်ဆာ အတွင်း၌ အငွေ့သည် အရည် အဖြစ်သို့ တစ်ဖန်ပြန်၍ ပြောင်းလဲသွားလေသည်။ ကွန်ပရက်ဆာ၏တစ်ဖက်ရှိ အငွေ့ကို စုတ်ယူသောပြွန်ငယ် ဖြင့် လိုအပ်သည့်အငွေ့များကို စုတ်ယူခြင်းဖြင့် အငွေ့ပျံစေသော ကိရိယာအတွင်းရှိ ဖိအားကို လျော့သွားစေသည်။ ထိုအငွေ့ ဖိသိပ်ပြီးလျှင် အရည်ဖြစ်စေ သည့် ပြွန်ခွေအတွင်းသို့သွင်းပေး သည်။ ထိုသို့ သွင်းပေးလိုက်သဖြင့် ဖိအားက အရည်ဖြစ်စေ သည့် အပူချိန် ကို မြှင့်တင်ပေးလိုက်သည်။ အငွေ့အတွင်းရှိ အပူပိုသည် ကွန်ဒင်ဆာ၏ နံရံများမှတစ်ဆင့် အခန်းတွင်းရှိ ပို၍အေးသော လေထဲသို့ ရောက်ရှိသွားလေသည်။ ပျံ့နှံ့သွားသော အရည်သည် ကွန်ဒင်ဆာ၏ အောက်ဘက်ရှိ ရေကန်အတွင်းသို့ စီးဝင်သွားလေသည်။ ထိုအရည်ကို လိုသော အခါ တစ်ဖန်ပြန်၍ အသုံးပြုနိုင်လေသည်။ အိမ်တွင် အသုံးပြုလေ့ရှိသော အအေးဓာတ်ပေးစက်တွင်မူ ဓာတ်ငွေ့ကို အရည်ဖြစ်သည်အထိ ချုံ့ထားပြီး လျှင်ထိုအရည် ကို အစားအစာထားသည့် အခန်း၏ အောက်ဘက်တွင် ပြွန်ခွေ အတွင်း၌ ရှိနေစေသည်။ ထို အရည်ဖြစ်နေသော ဓာတ်ငွေ့ကို အစာထားသည့် နေရာဆီသို့ လိုအပ်သမျှသာ ရောက်ရှိစေရန် အဆို့ရှင်ဖြင့် ဖန်တီးပေးသည်။ အရည်အဖြစ်မှ ဓာတ်ငွေ့အဖြစ် သို့ ပျံ့ထွက်သောအခါ ပြွန်ခွေများသည် ပတ်ဝန်းကျင်ရှိ လေမှ အပူများကို စုတ်ယူခြင်းဖြင့် လွန်စွာအေးလာလေသည်။ ထိုနောက်မှ ဓာတ်ငွေ့ကို စုတ်ယူသည့် ပြွန်မှ တစ်ဆင့် ကွန်ပရက်ဆာအတွင်းသို့ စုတ်ယူပြီးလျှင် အရည်ပြန်၍ဖြစ်စေ ကာ အေး၍ နေစေသည်။ ပြီးလျှင် ပြွန်ခွေတွင် နောက်တစ်ဖန် အသုံးပြုရန်အတွက် သိုလှောင်ထားသည်။ လျှပ်စစ်ဓာတ်ကို အသုံးမပြုသော အအေး ဓာတ်ပေးစက်မျိုးတွင် ပါရှိသော သဘောမှာ အထက်ဖော်ပြပါ စက်မျိုးနှင့် အတူတူပင် ဖြစ်သော် လည်း အအေးဓာတ် လည်ပတ်စေခြင်းကို လျှပ်စစ်ဓာတ်ဖြင့် ခုတ်မောင်းသော အရည်စုတ်စက်ဖြင့် မပြုလုပ်ဘဲဓာတ်ငွေ့ မီးတောက်ကလေးဖြင့်သာ သယ်ဆောင်ခြင်းနှင့် ပျံ့ကားခြင်း တို့ကို ဖြစ်စေလေသည်။

အပူပိုင်းနှင့် သမပိုင်းဇုန်ရှိ ပြဇာတ်ရုံ၊ ရုပ်ရှင်ရုံ စသည့် လူအများ သွားရောက်လေ့ရှိကြသော အဆောက် အအုံများတွင် နွေရာသီ၌ အတွင်းဘက်တွင် အေးနေစေရန် ပန်ကာခေါ် လေရဟတ်ကို အသုံးမပြုကြပဲ အအေး ဓာတ်ပေးစက်များကို အသုံးပြုလေ့ ရှိကြသည်။ မြန်မာနိုင်ငံတွင် ရန်ကုန်မြို့ရှိ အချို့သော ရုပ်ရှင်ရုံ၊ စက်ရုံ၊ နေအိမ်များနှင့်တကွ မင်္ဂလာဒုံလေဆိပ် အဆောက်အအုံကြီးတို့ တွင်လည်း ထိုကဲ့သို့စက်မျိုး တပ်ဆင်ထားသည်ကို တွေ့ရလေ သည်။
🔆🔆🔆🔆🔆🔆🔆🔆🔆🔆🔆🔆🔆🔆🔆

💠အငွေ့ပျံခြင်း💠

ရေကို ဆူအောင် ကျိုသောအခါ ရေမျက်နှာပြင်မှ အငွေ့တစ်ထောင်း ထောင်း ထပြီးနောက် မကြာမီပင် ရေအားလုံး ခန်းခြောက်သွားသည်။ ဤသို့ အရည်ဘဝမှ အငွေ့ ဖြစ်ပြီး လွင့်ပျံသွားခြင်းကို အငွေ့ ပျံသည်ဟု ဆိုစမှတ် ပြုကြသည်။ သို့ရာတွင် ရေတစ်ခွက်ကို လေသလပ် ခံထားလျှင် တဖြည်းဖြည်း ခန်းခြောက်သွားခြင်း၊ ဖွပ်လျှော်ပြီး အဝတ်များကို လှန်းထားစဉ် တဖြည်းဖြည်း ခြောက်သွေ့သွားခြင်းကို ထောက်လျှင် ရေသည်ဆူပွက်သောအခါမှ အငွေ့ပျံသည် မဟုတ်၊ သာမန်ချိန်များ၌လည်း အငွေ့ပျံလျက်ရှိသည်မှာ ထင်ရှားလေသည်။ တစ်ဖန် ရေနှင့်စာလျှင် အရက်၊ အရက်ပြန်၊ ရေနံ၊ ဓာတ်ဆီစသော အရည်များက သာ၍ပင် အငွေ့ပျံလွယ် ကြပေသေးသည်။

အမှုမဲ့ အမှတ်မဲ့တွေးလျှင် အငွေ့ပျံခြင်းသည် ဘာမျှ အရေး ပါ အရာရောက်လိမ့်မည်ဟု မထင်ရပေ။ သို့ရာတွင် ကျွန်ုပ်တို့ နေထိုင်လျက်ရှိသော ဤကမ္ဘာကြီးတွင် အထူးသဖြင့် ရေငွေ့ပျံ ခြင်းသာ မရှိဟု ဆိုပါက ကျွန်ုပ်နှင့်တကွ တိရစ္ဆာန်ရော သစ်ပင်တို့ပါ အသက်ရှင်နေနိုင်ကြရန် လမ်းရှိမည် မဟုတ်ပေ။ ကျွန်ုပ်တို့ ပတ်ဝန်းကျင်ရှိ လေထုထဲ၌ လိုအပ်သော ရေငွေ့ အလုံအလောက်ရနေခြင်း၊ နေ့နှင့်ညဉ့် အပြောင်းအလွဲ၊ ရာသီ ဥတု အပြောင်းအလွဲတို့၌ အပူချိန် အတက်အကျ မျှတလျက် ရှိခြင်း၊ မိုးသားတိမ်လိပ်များတက်ကာ ကျွန်ုပ်တို့ မှီခို စားသောက်နေရသည့် အသီးအနှံပင်များအတွက် မိုးနှင့် ဆီးနှင်း တို့ ရွာသွန်းခြင်း အားလုံးတို့မှာ အမှန်စင်စစ် သမုဒ္ဒရာ အင်းအိုင် ချောင်းမြောင်းတို့မှ ရေငွေ့ပျံလျက်ရှိခြင်းကြောင့် သာလျှင် ဖြစ်ပေသည်။

ရေငွေ့ပျံခြင်းသည် လေထု၏ ရေငွေ့မည်ရွေ့မည်မျှကို လက်ခံနိုင်သည်ဟူသော အင်အားအပေါ်တွင် အမှီပြု၍ လေထု၏ ရေငွေ့ကို လက်ခံနိုင်သည့် အင်အားက အပူချိန်အပေါ်တွင် တစ်ဖန် အမှီပြုပြန်လေသည်။ ပင်လယ်ရေမြှုပ်သည် ရေကိုစုတ်ယူထားနိုင်သကဲ့သို့ လေ သည်လည်း ရေငွေ့ကို စုတ်ယူလက်ခံထားနိုင်သည့် သတ္တိ ရှိသည်။ ဤသို့ စုတ်ယူရာတွင် လေမှာ ပူ၍ ခြောက်သွေ့ လေလေ ရေငွေ့ကို လျင်မြန်စွာနှင့် အများ အစား စုတ်ယူ နိုင်လေလေ ဖြစ်သည်။ စိုထိုင်းသောလေသည် ရေငွေ့ကို ခပ်ဖြည်းဖြည်းသာ စုတ်ယူနိုင်သည်။ သဲကန္တာရဒေသများတွင် အမှန်အားဖြင့် မိုးရွာသည့်အခါများ ရှိ၏။ သို့သော် အလွန်ပူပြီး ခြောက်သွေ့လျက်ရှိ သောလေက စုတ်ယူလိုက်သဖြင့် ရွာချလာ သော မိုးရေတို့မှာ မြေပေါ်သို့ မရောက်မီပင် တစက်မျှမကျန် အောင် အငွေ့ပျံပြီး ခန်းခြောက်သွားလေသည်။

ရေငွေ့ကို သစ်ပင်ဝါးပင်တို့မှလည်း ထုတ်ပေး၍ သစ်ပင် တစ်ပင်ရှိ အရွက်များမှ တစ်နေ့တည်းတွင် ရေဂါလံပေါင်း များစွာကိုပင် ရေငွေ့အဖြစ် ထုတ်ပေးနိုင်လေသည်။ စိုစွတ်သော ဒေသများတွင် အပင်များမှ ရေငွေ့ အမြောက်အမြား ထွက်နိုင် စေခြင်းငှါ ရေငွေ့ထွက်ရာ မျက်နှာပြင်ဖြစ်သော အရွက်များကို ကြီးအောင် သဘာဝက ဖန်တီပေးထားသည်။ သဲကန္တရကဲ့သို့ ပူပြင်းခြောက်သွေ့သော ဒေသများတွင် သစ်ရွက်များသည် သေးငယ်၍ နည်းပါးစွာ ရှိတတ်သည်။ ရှားစောင်းပင်များမှာ ဆိုလျှင် အပင်တွင်းရှိ ရေငွေ့များ မလွတ်မြောက် နိုင်ရလေ အောင် ထူထဲသော အကာများဖြင့်ပင် ဖုံးလွှမ်းထားပေသေး သည်။

အငွေ့ပျံခြင်း၏ အဓိက အကျိုးထူးတစ်ရပ်မှာ အပူချိန်ကို လျော့ကာ အေးစေသော သတ္တိပင် ဖြစ်သည်။ အလွန်ခြောက် သွေ့သော ရာသီတွင် ကျွန်ုပ်တို့၏ အသားအရေသာမက နှာရောအာပါ ခြောက်သွေ့ပြီးလျှင် မိုးရာသီကဲ့သို့ စိုစွတ်သော ရာသီဥတုမျိုးတွင်မူ ကျွန်ုပ်တို့ကိုယ်မှ ထွက်သောချွေးမှာ လျင်မြန်စွာ ခြောက်လွယ်ခြင်း မရှိသည့်အတွက် စေးထိုင်း ထိုင်းနှင့် အနေရခက်တတ်ပုံကို သတိထားမိကြပေလိမ့်မည်။ သို့ရာတွင် ပူအိုက်သော နေ့တစ်နေ့တွင် ချွေးထွက်သော်လည်း ထိုထွက်သော ချွေးမှာ ခြောက်လွယ်ပါက အခါတိုင်း ထက် အနေရ သက်သာအောင် အေးသလိုလို ရှိတတ်လေသည်။ ထိုသို့ ဖြစ်ခြင်းမှာ ကိုယ်မှထွက်သောချွေး လွယ်ကူစွာ အငွေ့ ပျံသည့်အတွက် ဖြစ်လေသည်။ တစ်ဖန် လေတိုက်နေမည် ဆိုပါက လေက ချွေးကို ပိုမို လျင်မြန်စွာ အငွေ့ပျံစေသည့် အတွက် ကျွန်ုပ်တို့ ကိုယ်ခန္ဓာသည် သာ၍ပင် အေးလာပေ သေးသည်။

အငွေ့ပျံရာတွင် အေးပြီး ကျန်ရစ်ခဲ့ခြင်းမှာ ပျံထွက်သွား သောအငွေ့က အပူကို သယ်ဆောင်သွားသောကြောင့် ဖြစ်၍ လျင်မြန်စွာ အငွေ့ပျံလေလေ ပို၍ အေးလေလေ ဖြစ်လေသည်။ ကျွန်ုပ်တို့ လက်ကို ဓာတ်ဆီ၊ သို့မဟုတ် အရက်ပျံနှင့် ဆွတ် လိုက်သောအခါ ရုတ်တရက် အအေးဓာတ်ကို ခံစားရခြင်းမှာ ဓာတ်ဆီနှင့် အရပ်ပျံတို့ အငွေ့ပျံလွယ်သောကြောင့် ဖြစ်ပေ သည်။ အလွန်လျင်မြန်စွာ အငွေ့ပျံလွယ်သော အရည်ဖြစ်က ရေခဲလောက်အောင်အေးသော အအေးဓာတ်ကိုပင် ဖြစ်ပေါ်စေ နိုင်သည်။ ရေခဲစက်များ၌ ရေကိုခဲအောင် ပြုလုပ်ရာတွင် အမ်မိုးနီးယားရည်ကို အငွေ့ပျံစေခြင်းဖြင့် ရေမှ အပူကိုစုတ်ပြီး ခဲသွားအောင် ပြုလုပ်ယူလေသည်။ ဆရာဝန်များ ခွဲစိတ်ရာတွင် တစ်ခါတစ်ရံ အီသာဟုခေါ်သော အရည်တစ်မျိုးကို ထုံဆေး အဖြစ် အသုံးပြုတတ် လေသည်။ ဤသို့ပြုခြင်းမှာ အီသာဆွတ် လိမ်းသောနေရာတွင် အီသာ၏ လျင်မြန်စွာ အငွေ့ပျံမှုကြောင့် နာရမှန်း မသိလောက်အောင် ရုတ်တရက် ထုံသွားနိုင်သည့် အတွက် ဖြစ်လေသည်။
💮💮💮💮💮💮💮💮💮💮💮💮💮💮💮

💠သာမိုဒိုင်းနမစ်💠

Thermodynamics ဆိုသည်မှာ အရာဝတ္ထုများ အကြား အပူပြောင်းလဲခြင်းကို လေ့လာသည် ရူပဗေဒ ပညာရပ် တစ်ခုဖြစ်သည်။ ၎င်းသည် အရာဝတ္ထုတို့၏ ရုပ်ပိုင်းဆိုင်ရာ ဂုဏ်သတ္တိတို့ကို ညွှန်ပြသော အပူချိန်၊ ဖိအား နှင့် ထုထည်အစရှိသော ကိန်းရှင်များကို ဆက်စပ်ပေးပြီး ထိုသို့ ဆက်စပ်ပေးသော သိပ္ပံပညာကို သာမိုဒိုင်းနမစ်ဟု ခေါ်ဆိုလေ့ ရှိသည်။

သမိုင်းကြောင်းအားဖြင့် ပြန်လည် ကြည့်ရှုမည်ဆိုလျှင် သာမိုဒိုင်းနမစ် စနစ်သည် အစောပိုင်း ရေနွေးငွေ့ အင်ဂျင်တို့၏ လုပ်ဆောင်ချက် ထိရောက်မှု (Efficiency) ကို မြှင့်တင်ရန် အတွက် တီထွင်ခဲ့ခြင်း ဖြစ်သည်။

💠 အခြေခံ သဘောတရား💠

သာမိုဒိုင်းနမစ်သည် စွမ်းအင်၊ စွမ်းအင်ပြောင်လဲမှုဖြစ်စဉ်၊ ဒြပ်တို့၏ ပြုမူချက်များနှင့် ပတ်သက်ဆက်ဆိုင်သည်။ အပူမှအလုပ်သို့ ကူးပြောင်းခြင်း၊ စွမ်းအင်ပုံစံ တစ်မျိုးမှ တစ်မျိုးသို့ ကူပြောင်းခြင်း တို့ကို သာမိုိးုင်းနမစ် ဆိုင်ရာ ဥပဒေများက ထိန်းချုပ်ထားသည်။ ဒီဇိုင်းပြောင်လဲမှုများနှင့် စနစ် ၏ဆောင်ရွက်ချက်များအတွက် သတင်းအချက်အလက်များကို ၎င်းသာမိုဒိုင်းနမစ်ပညာရပ်ကပေးသည်။ ၎င်းသသည် မီးလောင်ကျွမ်းမှုစနစ်များ၊ အပူနှင့် နျူကလီးယား စွမ်းအင်စက်ရုံများ၊ Heat Pump (အပူပန့်) များ နှင့် Refrigerator (အအေးပေးစက်) ဆိုင်ရာ ပြဿနာများကိူ ကူညီဖြေရှင်းပေးသည်။ သာမိုဒိုင်းနမစ်သည် ဒြပ်များ၏ ဂုဏ်သတ္တိတို့ အကြားဆက်စပ်မှုများကို ကြိုတင်ခွဲခြား သိမြင်နိုင်သည်။
❇️❇️❇️❇️❇️❇️❇️❇️❇️❇️❇️❇️❇️❇️❇️

Air-conditioning Theoretical Background

၁။ Air-conditioning ဆိုသည်မှာ Temperature, Humidity, Purity နှင့် Flow of air take place တွေကို တစ်ချိန်ထဲမှာ ထိန်းချုပ်တဲ့ဖြစ်စဉ်တစ်ခုဖြစ်ပါတယ်။ လူနေမှုအဆင့်အတန်း သက်တောင့်သက်သာရှိစေဖို့ အတွက် Temperature ကို လျှော့ချလာနိုင်ခြင်းဟာ အဓိက အရေးအကြီးဆုံးဖြစ်လာပါတယ်။ Liquid refrigerant က အပူကို အောင်းပူ ( Latent heat) အဖြစ် သယ်ဆောင်သွားတဲ့အတွက်ကြောင့် Cooling effect ကို ကျွန်တော်တို့  ရရှိခံစားနေရတာပဲဖြစ်ပါတယ်။ အဲသည့်ဖြစ်ဟာ Evaporator ထဲမှာ ဖြစ်ပွားခြင်းဖြစ်ပါတယ်။ Air-conditioning system အလုပ်လုပ်ပုံ Diagram များ ကိုသေချာစွာလေ့လာကြည့်နိုင်ပါတယ်။

၂။ Air-conditioning system ဆိုတာ Second Law of Thermodynamics ကို အခြေခံထားပါတယ်။ Thermodynamics ဆိုတာ အပူရဲ့ အလုပ်နဲ့ ပတ်သတ်ပြီးတော့ လေ့လာရတဲ့ ပညာရပ်တစ်ခုဖြစ်ပါတယ်။ Second Law of Thermodynamics အရ အပူ (Temperature) ဟာ မြင့်ရာကနေ၊ နိမ့်ရာကို စီးကူးတယ်လို့ ဆိုထားပါတယ်။ ဒီတော့ ပြောင်းပြန်အနေနဲ့  အပူ(Temperature) ဟာ နိမ့်ရာကနေ၊ မြင့်ရာကို စီးကူးဖို့ အတွက်ဆိုရင် ပြင်ပပစ္စည်းတစ်ခု (External Agency) ရဲ့  အကူအညီကို ရယူဖို့ လိုပါတယ်။ ဒါကြောင့် Air-conditioning နဲ့  Refrigeration system များ  စတင်ပြီးပေါ်ပေါက်လာရခြင်းဖြစ်တယ်လို့ ဆိုနိုင်ပါတယ်။

၃။ Basic Law of Refrigeration
(က) မည်သည့် အရည်မဆို Evaporating ဖြစ်ရင် ပတ်ဝန်းကျင်မှ အပူကိုစုပ်ယူနိုင်ပါတယ်။
(ခ)   မည်သည့် အငွေ့ မဆို သင့်တော်တဲ့ Compression and Cooling ပေးလိုက်ရင် ငွေ့့ရည်ဖွဲ့ နိုင်တယ်။
(ဂ)   Evaporates or boils လုပ်လိုက်တဲ့အတွက် ဖြစ်ပေါ်လာတဲ့ အရည်မှာရှိတဲ့ Temperature and         Pressure ဟာတိုက်ရိုက်အချိုးကျပါတယ်။

၎။ Air-conditioning Method (၂) မျိုးရှိပါတယ်။ ၎င်းတို့ မှာ
(က) Direct A/C method
(ခ)  Indirect A/C method များ ဖြစ်ပါတယ်။

(က) Direct A/C method
Direct A/C method မှာ primary refrigerant တစ်ခုပဲ အသုံးပြုပါတယ်။ ၎င်း System မှာ လိုချင်တဲ့ နေရာတွေကို အအေးပေးဖို့ အတွက် Evaporator coil ကို တိုက်ရိုက်ဖြတ်ပြီး Refrigerant ကို လှည့်ပတ်စီးဆင်းစေပါတယ်။
(ခ)  Indirect A/C method
Indirect A/C method မှာ primary refrigerant နဲ့  secondary refrigerant ဆိုပြီးတော့ (၂)မျိုး သုံးထားပါတယ်။  Secondary refrigerant ကို primary refrigerant မှ evaporator အထဲမှာ အအေးပေးပါတယ်။ အေးစေဖို့ အတွက် secondary refrigerant ဟာ Air treatment unit (ATU) coil ကိုဖြတ်ပြီး လှည့်ပတ်စီးဆင်းပါတယ်။

၅။ REFRIGERANT
Refrigeration system မှာ အသုံးပြုတဲ့ ပစ္စည်းကို refrigerants လို့ ခေါ်ပါတယ်။ ၎င်းဟာ အပူကို တစ်နေရာမှ စုပ်ယူပြီး၊ အခြားတစ်နေရာကို ပြန်ထုတ်ပေးနိုင်ပါတယ်။ အဲသည့်အပြင် အပူစုပ်ယူနေချိန်မှာ Liquid State ကနေ Vapour State ကို ပြောင်းနိုင်ပြီး အပူပြန်ထုတ်ချိန်မှာ Vapour State ကနေ Liquid State ကို ပြန်ပြောင်းနိုင်ပါတယ်။ အဲ့ဒါကြောင့် ၎င်းကို Boiling point နဲ့  Freezing point နိမ့်တဲ့ပစ္စည်းများကိုပဲ ရွေးချယ်အသုံးပြုခြင်းဖြစ်ပါတယ်။ Refrigerant ကို (၂) မျိုးခွဲခြားနိုင်ပါတယ်။
(က) Primary Refrigerants
(ခ)  Secondary Refrigerants တို့  ဖြစ်ပါတယ်။

(က) Primary Refrigerants
Primary Refrigerants ဟာ System ထဲမှာရှိတဲ့ evaporates, condensates လုပ်မယ့်နေရာတွေကို တိုက်ရိုက် လှည့်ပတ်ပါတယ်။ ၎င်းအပြင် Latent heat ကို စုပ်ယူပါတယ်။ များသောအားဖြင့် primary refrigerant အနေနဲ့ Freon, Ammonia, Carbondioxide, R11 Tri-chloro Fluro Methane (CCL3F),R12 Di-chloro Di-Fluro Methane, R22 Mono-chloro Di-Fluro Methane (CHCLF2) အစရှိသဖြင့် အသုံးပြုကြပါတယ်။
Specification of R-12 gas
(a) Boiling Point -30˚C
(b) Freezing Point -158˚C
(c) ၎င်းဟာ အန္တရာယ်မရှိဘူး၊ မီးမတောက်ဘူး၊ မပေါက်ကွဲဘူး၊ Highly Stable ဖြစ်တယ်။
(d) Condense at moderate pressure : 7.92 kg/cm2
(e) Critical temperature: -112˚C
(f)  Critical pressure : -40.6 kg/cm2
(g) ၎င်းကိုအိမ်သုံး applications အဖြစ်အသုံးပြုပါတယ်။
(ခ) Secondary Refrigerants
၎င်းကို primary refrigerants မှ ဦးစွာ အအေးပေးပါတယ်။ ၎င်းတို့ ဟာ အအေးပေးဖို့ အတွက်အအေးပေးလိုတဲ့ နေရာတွေကို လိုက်ပြီးလှည့်ပတ်စီးဆင်းတယ်။ ၎င်းဟာ Sensible heat ကိုစုပ်ယူတယ်။ အများအားဖြင့် Water, Ice, Brine, Chill water စသဖြင့် အသုံးပြုကြတယ်။
🌟🌟🌟🌟🌟🌟🌟🌟🌟🌟🌟🌟🌟🌟🌟

၁။ BASIC PRINCIPLES OF REFRIGERATION

အငွေ့ ကိုဖိနှိပ်ပြီးတော့ အအေးခံတာကိုသင်္ဘောတွေမှာ အသုံးပြုပါတယ်။ ဖိနှိပ်ပြီး အအေးခံဖို့ အတွက် အခြေခံကျတဲ့ Component ၄ခုမှာ evaporator, compressor, condenser, နှင့် expansion valve တွေပဲဖြစ်တယ်။ အဲဒီ ၄ခုကို tube ထဲမှာ sequence ဆက်လိုက်ရင် compresson refrigeration system လို့ ခေါ်တဲ့ enclosed system cycle တစ်ခုဖြစ်ပေါ်လာပါတယ်။
Refrigeration အတွက် အလုပ်လုပ်ပေးတဲ့ ပစ္စည်းတချို့ကို (refrigerants) refrigeration system ထဲကို ထည့်လိုက်ပါတယ်။ အဲဒီပစ္စည်းဟာ normal atmospheric pressure အောက်မှာ Low Boiling point ရှိတဲ့အချိန်မှာ ပုံမှန်အားဖြင့်တော့ အရာဝထ္ထုတစ်ခုဖြစ်တယ်။ ဒါပေမယ့် latent heat များလာတဲ့အချိန်မှာ အငွေ့ ပျံသွားပါတယ်။ R12 refrigerant ကို အများဆုံးအသုံးပြုပါတယ်။ R12 ရဲ့  boiling temperature က standard atmospheric pressure အောက်မှာ  -29.8˚C ဖြစ်ပါတယ်။ ပစ္စည်းရဲ့  performance အရ saturation pressure နဲ့  saturation temperature မှာ တစ်ခုနဲ့ တစ်ခု ဆက်နွယ်နေပါတယ်။ ဒါ့ကြောင့် refrigerant ရဲ့  pressure ပြောင်းလဲလာတာနဲ့ အမျှ ၎င်းရဲ့  boiling temperature ပါပြောင်းလဲလာပါလိမ့်မယ်။
Compressor inlet ကနေပြီးတော့ system အထဲကို refrigerant တွေ ဆွဲယူလိုက်တယ်။ ပြီးရင် ၎င်းရဲ့  pressure တိုးအောင် piston အားနဲ့  compressed လုပ်လိုက်ပါတယ်။ အဲ့ဒါကြောင့် High pressure – High temperature gas တွေဖြစ်လာပါတယ်။ အဲဒီ HP-HT refrigerant gas တွေကို condenser ထဲကို မောင်းထဲလိုက်ပါတယ်။ Condenser ထဲမှာ Seawater နဲ့ တောက်လျှောက် အအေးပေးနေတဲ့အတွက် HP-HT refrigerant gas တွေရဲ့  အပူကို heat exchanger အဖြစ် သယ်ဆောင်သွားပါတယ်။ ဒါ့ကြောင့် Low temperature – High pressure liquid ဖြစ်လာပါတော့တယ်။ အဲ့ဒီ LT-HP အရည်တွေဟာ expension valve ကိုဖြတ်လို့ evaporator အထဲကို စီးဝင်သွားတယ်။ Expension valve ကို ဖြတ်နေချိန်မှာ evaporator က သင့်တော်တဲ့ Pressure ရအောင် လျှော့ကျသွားပါတယ်။ အဲသည်လို pressure ကျတဲ့အတွက် low temperature က ပိုလျော့ကျပြီးအေးသွားပါတယ်။ အဲဒီအချိန် blower မှာ evaporator ထဲကို ဖြတ်ဝင်လာတဲ့ အအေးဓာတ်ကိုယူဖို့ လိုအပ်တဲ့နေရာတွေကို မှုတ်ထုတ်ပြီးပို့  ပေးပါတယ်။ Evaporator ထဲမှာ Liquid State မှ Vapour State သို့  vaporization ဖြစ်သွားပါတော့တယ်။ အဲသည် Vapour တွေကို compressor က စုပ်ယူ၊ဖိကျစ်ပြီး condenser မှ condenses, temperature လျှော့ချပြီး evaporator မှ vapour ပြန်ပြောင်းခြင်းနဲ့  နောက်ထပ် cycle တစ်ခုကိုရရှိပါတယ်။

၂။ Components of system
(a) Compressor
(b) Condenser
(c) Evaporator
(d) Expansion valve
(e) Oil Separator (or) Strainer
(f) Filter
(g) Solenoid valve

Compressor
Compressor ရဲ့ အလုပ်လုပ်ပုံမှာ Evaporator ထဲက low pressure refrigerant vapour ကို ဆွဲယူဖို့ နဲ့ ၊ ဆွဲယူထားတဲ့ vapour တွေကို condensed အဖြစ်ပြောင်းလဲစေဖို့  ဖိနှိပ်ပေးတယ်။ air-conditioning plant မှာ အသုံးပြုနေတဲ့ compressor များက motor dirve အမျိုးအစားတွေများပါတယ်။ Electric motor ကနေ Compressor ရဲ့  Crankshaft ကို power ပေးတယ်၊ Crankshaft လည်တဲ့အတွက်ကြောင့် connecting rod ရဲ့  အကူအညီနဲ့  piston တွေက အပေါ်အောက် ရွှေ့ လျှားသွားပါတယ်။ piston  အပေါ်အောက် ရွှေ့ လျှားတာကြောင့် လေကို ဆွဲသွင်းတယ်၊ ဖိကျစ်တယ်၊ condenser အထဲကို discharging ပေးပို့ ပေးတဲ့အလုပ်တွေကို လုပ်ဆောင်ပါတယ်။

Condenser
Condenser ရဲ့  အလုပ်လုပ်ပုံမှာ သူ့ ဆီဝင်ရောက်လာတဲ့ refrigerants vapour ကို temperature လျှော့ချမယ်။ အအေးခံပြီး liquid အခြေအနေကို ပြောင်းပေးဖို့ ဖြစ်တယ်။ Refrigerant vapour ရဲ့  အောင်းပူ latent heat ကို seawater ဆီကို ရောက်ရှိသွားစေတာပဲဖြစ်တယ်။ condenser တွေဟာ Shell tube အမျိုးအစားဖြစ်ပြီးတော့ cylinder shell တစ်ခု၊ rolled-up steel plate တစ်ခု pipe plate နဲ့  welded လုပ်ထားတဲ့ cooling tubes တစ်စုံရှိပါတယ်။

Evaporator
Evaporator ရဲ့  အလုပ်လုပ်ပုံမှာ low pressure liquid refrigerant ဟာ ပတ်ဝန်းကျင်က အပူကိုစုပ်ယူပြီး evaporator ဖြစ်စေဖို့  heat transfer surface တစ်ခုပြုလုပ်ပေးဖို့ ဖြစ်ပါတယ်။ Evaporator ထဲမှာ liquid ကနေ vapour အခြေအနေကို ပြန်လည်ပြောင်းလဲသွားတာပဲဖြစ်တယ်။

Expansion Valve
Expansion valve ရဲ့ အလုပ်လုပ်ပုံမှာ condenser ထဲက ထွက်လာတဲ့ Liquid pressure ကို evaporator ထဲမှာ evaporate အငွေ့ ပျံနိုင်အောင် လျှော့ချပေးနိုင်ဖို့ ပဲဖြစ်ပါတယ်။ ၎င်း valve ဟာ  refrigerant အရည်ရဲ့ Flow စီးဆင်းမှုကို ထိန်းချုပ်ပေးတယ်။ ပုံမှန်ဖြစ်အောင် လုပ်ဆောင်စေတယ်။ များသောအားဖြင့် capillary tube နဲ့  sensing လုပ်လေ့ရှိတယ်။

Strainer
Strainer ရဲ့  အလုပ်လုပ်ပုံမှာ Compressor ရှိ piston, crankshaft စတဲ့ friction ဖြစ်စေမယ့်နေရာတိုင်းမှာ ဆီဖြည့်ပေးရတယ်။ တစ်ခါတစ်ရံမှာ အဲဒီ ဆီတွေက Refrigerant နဲ့ ရောနှောပြီးပါလာတက်ပါတယ်။ အဲ့ဒီအခါမှာ strainer က စစ်ထုတ်ပြီးတော့ compressor အထဲကိုပြန်ထည့်ပေးပါတယ်။

Filter
Filter ရဲ့  အလုပ်လုပ်ပုံမှာ Compressor က ထွက်လာတဲ့ Refrigerant vapout ထဲမှာ ရေခိုးရေငွေ့  တွေပါလာခဲ့ရင် စစ်ထုတ်ပေးတဲ့ အလုပ်ကိုလုပ်ပေးပါတယ်။

Solenoid valve
Solenoid Valve ရဲ့  အလုပ်လုပ်ပုံမှာ Relay coil နဲ့ အဖွင့်၊အပိတ်လုပ်ပေးပါတယ်။ Cycle လမ်းကြောင်းမှာ တပ်ဆင်ထားပါတယ်။ Control signal လာခဲ့ရင် Relay coil မှာ သံလိုက်ဓာတ်ဖြစ်ပေါ်စေပြီးတော့ Valve ကိုဖွင့်ပေးတဲ့ အလုပ်ကိုလုပ်ပါတယ်။

Cred
မေတ္တာဖြင့်​
T.Y.M.M