သင်္ဘောငြိမ်အောင်ထိမ်းတဲ့ တောင်ပံ

“သင်္ဘောငြိမ်အောင်ထိမ်းတဲ့ တောင်ပံ”

Bilge keel အကြောင်း ရေးပြီးသားမို့ ၊ ထပ်မရေးတော့ပါဘူး။ Bilge keel လိုပါဘဲ သင်္ဘော လှိုင်းလှုပ်တာကို၊ သက်သာအောင်ထိမ်းပေးတဲ့  ’Retractable fin stabilizer’ ဆိုတာရှိပါတယ်။ ဒါကို ခရီးသည်တင်တဲ့ Passenger ship တွေ၊ သင်္ဘောအချို့တွေမှာ တပ်ဆင်အသုံးပြုတတ်ပါတယ်။ Bilge keel ရှိရင်တော့ တပ်ထားစရာ မလိုပါဘူး။

ဒီအကြောင်းကို I & II MEO combined class က SC ဘာသာရပ်မှာ ၁၆မှတ်တန် မေးခွန်းတစ်ခု မေးထားတာတွေ့  ရပါတယ်။ မူရင်းစာဖတ်ယုံနဲ့  နားလည်ဖို့  မလွယ်ကူတဲ့ အတွက်၊ ကျောင်းသား အားလုံးနဲ့  စိတ်ဝင်စားသူတွေ သဘောပေါက် နားလည်အောင် ကြိုးစား၍ ရှင်လင်း ရေးသားထား ပါတယ်။  ပုံများနဲ့ တွဲပြီး ဖတ်ရှုလျှင် ပိုပြီး လွယ်ကူစွာ နားလည်နိုင်ပါတယ်။

'တည်ဆောက်ထားပုံ'

Fin stabilizer က သင်္ဘောဘေးတစ်ဖက်တစ်ချက်မှာ တောင်ပံတစ်ချောင်းဆီကို၊ Bilge level လောက်ကနေ ထုတ်ထားတော့ ရေမျက်နှာပြင်အောက်နားမှာရှိနေပါတယ်။ Bilge level ဆိုတာ သင်္ဘောကို ဘေးတိုက်ကြည့်တဲ့ အခါ ၀မ်းပိုက်ကနေ အပေါ်ဘေးသံပြားကို ထိဆက်အောင် ကွေးတက်သွားတဲ့ အပိုင်းကို ခေါ်တာပါ။
တောင်ပံတွေကို ပတ္တာ(Hinge) တပ်ပြီး သင်္ဘောကိုယ်ထည်ထဲကို ခေါက်သိမ်းလို့ ရသလို၊ သင်္ဘောကိုယ်ထည်ထဲမှာ နေရာရှိရင် အတွင်းကို အတည့်အတိုင်းဆွဲသွင်းလို့ ရအောင် (Sliding in) ပြုလုပ် ထားပါတယ်။ သင်္ဘောက ကမ်းကခွာပြီး လွတ်လွတ်ကင်းကင်းရှိပြီဆိုမှ တောင်ပံတွေကို ထုတ်သုံးပါ တယ်။ ဒါကြောင့် “ ပြန်လည်သိမ်းဆည်းလို့ ရတဲ့ သင်္ဘောငြိမ် တောင်ပံ ” (Retractable fin stabilizer) လို့  ခေါ်ကြတာပါ။

'အလုပ်လုပ်ပုံ'
ဒီတောင်ပံကို၊ လေယာဉ်တောင်ပံဒီဇိုင်းကဲ့သို့ တည်ဆောက်ထားပြီး သင်္ဘောရှေ့ကို ရွေ့သွားတဲ့အခါ ဖြစ်ပေါ်လာတဲ့ ရေတွန်းအားကြောင့် တောင်ပံက ရေလှိုင်းရဲ့ လားရာ ဦးတည်ဖက်နဲ့  ဆန့် ကျင်ပြီး အပေါ် အောက် စောင်းလှည့်ပေးခြင်းဖြင့် သင်္ဘောဘယ်ညာလူးလွန့် မှုကို သက်သာစေပါတယ်။ တစ်နည်း ပြောရရင် လှိုင်းအပေါ်မြှောက်တက်လာရင် သင်္ဘောကို အောက်စောင်းစေပြီး၊ လှိုင်းက အောက်နိမ့် သွားရင်၊ သင်္ဘောကို လိုက်မနိမ့်သွားစေဘဲ အပေါ် မြှောက်တက်စေပါတယ်။

လေယာဉ်ပျံက လေထဲအတက်မှာ တောင်ပံရဲ့အနောက်ပိုင်းကို အောက်ဖက်အနေတော်ဆိုက်ထား ပေးတဲ့ အခါ၊ ရှေ့ကတိုးလာတဲ့ လေကြောင့်၊ လေယာဉ်ကို လေထဲမြှောက်တက်စေပါတယ်။

ဒီသဘောတရားအတိုင်းပါဘဲ ရေမျက်နှာပြင်အောက်မှာရှိတဲ့ Fin stabilizer ရဲ့တောင်ပံအနောက်ပိုင်း က၊ အောက်ဆိုက်ထားရင် တိုးဝင်လာတဲ့ ရေအားက တောင်ပံကို အပေါ်ဖက်ကို မတင်ပေးပါတယ်။ တစ်ခါ တောင်ပံအနောက်ပိုင်းကို အပေါ်လေးထောင်ထားပေးရင်၊ တိုးဝင်လာတဲ့ရေအားက၊ ရေမျက်နှာပြင်အောက်မှာရှိတဲ့ တောင်ပံကို အောက်ဖိချသလို ဖြစ်သွားပါတယ်။
တောင်ပံရဲ့နောက်ဖက် အပေါ်ထောင်၊ အောက်ဆိုက်အနေအထားကို ပုံတွေမှာ လေ့လာနိုင်ပါတယ်။

တောင်ပံက အပေါ်နဲ့ အောက် 20' ခန့် စောင်းလှည့်ပေးလို့ ရပါတယ်။   တောင်ပံရဲ့အနောက်ဖျားမှာ၊ နောက်ထပ် 10' လောက် ထပ်စောင်းလို့ ရတဲ့   အမြီးပြားလေးတွေ တပ်ဆင်ထားတတ်ပါတယ်။ ပင့်အား၊ ဖိအားတွေကို ပိုပြီး အကျိုးသက်ရောက်အောင်လို့ ပါ။

'မောင်းနှင် ထိမ်းကြောင်းပုံ'
တောင်ပံကို အပေါ် အောက်လှည့်ဖို့ က၊ လျှပ်စစ်မော်တာနဲ့  ရှေ့ ပြန် နောက်ပြန်မောင်းလို့ ရတဲ့ ဆီပန့် (Variable hydraulic pump) နဲ့ ဖိအား (pressure) ပေးထားတဲ့ စက်မောင်းဆီ (Hydraulic oil)  အား ကို သုံးပြီး Ram ရဲ့ Piston မောင်းတံကို ရှေ့တိုးနောက်ဆုတ်ရွေ့ စေခြင်းဖြင့် တောင်ပံထဲမှာ ရှိတဲ့ Lever တွေကို၊ လိုသလို လှုပ်ပေးနိုင်အောင် လုပ်ထားပေးပါတယ်။
တောင်ပံရဲ့လှုပ်ရှားမှုကို လိုသလို ထိမ်းကြောင်းပေးဖို့  Two gyroscopes (ပုံသေဦးတည်ရာအရပ်က်ို ထိမ်းကြောင်းပေးသော ကိရိယာ နှစ်ခု) ရှိပါတယ်။ တစ်ခုက၊ သင်္ဘောစောင်းသွားတဲ့ အနေအထား (Angle of roll) နဲ့  နောက်တစ်ခုက သင်္ဘောစောင်းသွားတဲ့ အလျင် (Velocity of roll) အတွက်သုံးပါ တယ်။ ဒီ Gyroscopes တွေက သက်ဆိုင်ရာ Relays တွေကတစ်ဆင့် တောင်ပံ (Fins) တွေကို ဘယ်လောက် Angle နဲ့  ပေါ် (သို့ ) အောက်ဖက် လှည့်ပေးရမှာကို ထိမ်းကြောင်းပေးပါတယ်။ ဒီလိုနည်း variable hydraulic pump ကို ခိုင်းစေမောင်းနှင်ပါတယ်။ လူက လိုက်လုပ်ပေးနေစရာ မလိုပါဘူး။

သိထားရမှာက၊ ဒီတောင်ပံတွေက သင်္ဘောရှေ့မောင်းနှင်ရွေ့လျားနေပြီး လှိုင်းစလှုပ်မှ သက်ဝင် လှုပ်ရှား အလုပ်လုပ်ပါလိမ့်မယ်။ လေယာဉ်ရှေ့တိုးမောင်းတဲ့ အခါမှ လေယာဉ်တောင်ပံက လေယာဉ် ကို လေထဲရောက်အောင် အပေါ် မတင်တဲ့ အလုပ် လုပ်တဲ့ သဘောပါဘဲ။

Credit
သန်းလွင် CE