ကား ရေတိုင်ကီအဖုံး ( Pressure Cap )

ရေတိုင်ကီအဖုံး ( Pressure Cap )
🚐🚎🚐🚎🚐🚎🚐🚎💷📱🚐🚎

🚌 ကားရေတိုင်ကီများ၏ ရေဖြည့်ပေါက်တွင် pressure cap ခေါ် အအေးခံစနစ်၏ ဖိအားကို မြှင့်တင်ပေးရန် အဖုံးတစ်ခု တပ်ဆင်ထားသည်။ Radiator cap ဟုလည်း ခေါ်လေ့ရှိသည်။

☑  Pressure cap ကို ရေတိုင်ကီပေါ်တွင် လည်းကောင်း၊ expansion tank ဟုခေါ်သော ပလတ်စတစ် ရေတိုင်ကီအသေးလေး ပေါ်တွင်လည်းကောင်း တပ်ဆင်လေ့ရှိသည်။

⃣ ရေတိုင်ကီများတွင်
downflow radiator နှင့်
crossflow radiator ဟူ၍ အမျိုးအစား နှစ်မျိုးရှိသည်။

☑ Downflow radiator များကို ၁၉၉၅ ရှေ့ပိုင်းထုတ်သော ယာဉ်များတွင် အတွေ့ရများသည်။ Downflow radiator များတွင် coolant သည် ရေတိုင်ကီ၏ အပေါ်မှဝင်ပြီး အပေါ်မှအောက်သို့ စီးဆင်းကာ ရေတိုင်ကီ၏ အောက်ဘက်မှပြန်ထွက်သည်။

☑  Crossflow radiator တွင် coolant သည် ရေတိုင်ကီ၏ ဘေးတစ်ဖက်မှဝင်ပြီး အခြားတစ်ဖက်သို့ ကန့်လန့်ဖြတ်စီးဆင်းသည်။ ခေတ်ပေါ်ယာဉ်များတွင် crossflow radiator အသုံးများသည်။ Crossflow radiator များတွင် expansion tank ပါဝင်လေ့ရှိပြီး pressure cap ကို ၎င်း tank ပေါ်၌ တပ်ဆင်လေ့ရှိသည်။

⃣ အအေးခံစနစ်တွင် ဖိအားတစ်ပေါင် (1psi) တိုးလာတိုင်း အရည်ဆူမှတ် ၁.၆ ဒီဂရီ စင်တီဂရိတ်ခန့် မြင့်တက် လာလေ့ရှိသည်။
• ရိုးရိုးရေသည် ပင်လယ်ရေမျက်နှာပြင် အခြေအနေ၌ ၁ဝဝ ဒီဂရီစင်တီဂရိတ်တွင် ရေဆူပြီး၊
• antifreeze ၅ဝ ရာခိုင်နှုန်းနှင့် ရေ ၅ဝ ရာခိုင်နှုန်း ရောထားသော coolant သည် ၁ဝ၃ ဒီဂရီ စင်တီဂရိတ်တွင် အရည်ဆူသည်။
အင်ဂျင် ထုတ်လုပ်သူများသည် အအေးခံစနစ်၏ ဖိအားကို ၁၃ ပေါင်မှ ၁၈ ပေါင် (13 >18 psi) အထိ မြှင့်တင်ထား လေ့ရှိသည်။ ၎င်းဖိအားရရှိစေရန် pressure cap ကို အအေးခံစနစ်တွင် တပ်ဆင် အသုံးပြုထားပြီး ဖိအားတန်ဖိုးကို pressure cap ၏ အပေါ်တွင် ဖတ်ရှုနိုင်သည်။
psi သို့မဟုတ် bar သို့မဟုတ် kPa တန်ဖိုးဖြင့် ဖေါ်ပြလေ့ ရှိသည်။
(1 bar = 14.5 psi, 1 bar = 100 kPa, 1 kPa = 0.145 psi)

🚀Antifreeze ၅ဝ ရာခိုင်နှုန်းနှင့် ရေ ၅ဝ ရာခိုင်နှုန်း ရောထားသော coolant သုံးထားသော အအေးခံစနစ်တွင် ဖိအား ၁၅ ပေါင် (15 psi) ရှိသော pressure cap ကိုသုံးထားပါက ၎င်း coolant ၏ အရည်ဆူမှတ်သည် ၁၂၈ ဒီဂရီ စင်တီဂရိတ်ခန့်ထိ မြင့်တက်လာစေမည်။ ပင်လယ်ရေမျက်နှာပြင် အမြင့်ထက် ပေ ၁ဝဝဝ မြင့်တက်သွားတိုင်း အရည်ဆူမှတ်သည် ဝ.၅ ဒီဂရီခန့် နိမ့်ကျသွားလေ့ ရှိသည်ကိုလည်း သတိပြုပါ။

📌 အရည်ဆူမှတ် မြင့်လာခြင်းကြောင့် အင်ဂျင်တစ်လုံး၏ လည်ပတ်ရန် အကောင်းဆုံး အပူချိန် (optimum operating temperature) ဖြစ်သော ၉ဝ-၉၃ ဒီဂရီ စင်တီဂရိတ် ကြားတွင် coolant ဆူပွက် လာမည်ကို ပူစရာမလိုဘဲ လည်ပတ်နိုင်မည်။ Coolant ၏ အရည်ဆူမှတ် မြင့်လာခြင်းကြောင့် အင်ဂျင်မှအပူကို ပို၍စုပ်ယူသယ်ဆောင် နိုင်လာစေပြီး ရေတိုင်ကီအတွင်း ဖြတ်သန်းချိန်တွင် ပြင်ပလေဖြင့် အအေးခံရာ၌ အပူကူးပြောင်းမှု ပိုမိုကောင်းမွန်စေနိုင်သည်။ အကြောင်းမှာ အပူကူးပြောင်းခြင်း နိယာမအရ coolant နှင့် ပြင်ပလေ၏ အပူချိန် ကွာခြားချက် များလေလေ အပူကူးပြောင်းမှုနှုန်း ကောင်းလေလေ ဖြစ်သော ကြောင့်ဖြစ်သည်။

🚙 အအေးခံစနစ်၏ ဖိအားကိုမြှင့်တင်လိုက်ခြင်းဖြင့် ရေလည်အုံ (water pump) ၏ efficiency ကိုလည်း ပို၍ မြင့်တက် လာစေသည်။ အအေးခံစနစ်ကို ဖိအား ပေးမထားပါက ရေလည်အုံ၏ efficiency အပြည့်မရဘဲ ရေလည်အုံ အဝင်နေရာ၌ အလွယ်တကူ အရည်ဆူနိုင်ပြီး cavitation ဖြစ်စေနိုင်သည်။

☑  Cavitation ဆိုသည်မှာ coolant အရည်ဆူပါက လေပူပေါင်းများ ဖြစ်ပေါ်လာပြီး ၎င်းလေပူပေါင်းများ အအေးခံစနစ်အတွင်း စီးဆင်းသွားရာမှ အအေးခံစနစ် အတွင်း၌ ပေါက်ကွဲခြင်းကို cavitation ဟုခေါ်သည်။

🚀 Cavitation ကြောင့် ရေလည်အုံများ၊ စလင်ဒါလိုင်နာများ၌ ကျောက်ပေါက်မာကဲ့သို့ အပေါက်ငယ်လေးများဖြစ်ပေါ် စေပြီး အချိန်ကြာ လာသောအခါ စလင်ဒါလိုင်နာများ ပေါက်၍ မီးလောင်ခန်းအတွင်းသို့ အအေးခံရည်များ ပေါက်ဝင်လာသည် အထိ ဖြစ်နိုင်သည်။
ထို့ကြောင့် အအေးခံစနစ်တွင် သင့်တော် မှန်ကန်သော pressure cap ကို ရွေးချယ်၍ မှန်ကန်စွာ တပ်ဆင်အသုံးပြု သင့်သည်။

📅 Pressure cap တွင်
• pressure valve,
• pressure spring,
• vacuum valve နှင့်
• sealing rings များ စသည်တို့ ပါဝင်သည်။

📅 Pressure valve ကို ၎င်း၏ နောက်ဘက်ရှိ pressure spring ဖြင့် ဖိထားခြင်းဖြင့် ရေတိုင်ကီကို လုံအောင်ပိတ်ထား သည်။ အအေးခံစနစ်၏ ဖိအားသည် pressure spring ၏ဖိအားကို ကျော်လွန်လာပါက pressure valve ပွင့်ပြီး coolant တချို့သည် ရေတိုင်ကီ၏ ရေပြန်ပိုက် မှတစ်ဆင့် expansion tank ခေါ် recovery tank ဟုခေါ်သော ပလတ်စတစ် ရေတိုင်ကီ အသေးလေးဆီသို့ စီးဆင်းသွား စေခြင်းဖြင့် အအေးခံစနစ်၏ မြင့်တက်လာသော ဖိအားကို လျော့ကျစေသည်။

📌 အအေးခံစနစ်၏ ဖိအားသည် pressure spring ၏ဖိအားထက် နည်းသွားပါက စပရင်၏ တွန်းအားကြောင့် pressure valve ပြန်လည် ပိတ်သွားပြီး အအေးခံစနစ်၏ လိုအပ်သော ဖိအားကို ထိန်းသိမ်း စေသည်။

📅 Pressure valve ၏ အလယ်တည့်တည့်တွင် vacuum valve ကို တပ်ဆင်ထားသည်။ အအေးခံစနစ်ပြန်လည် အေးသွားပြီး အအေးခံစနစ်၏ ဖိအားသည် ပြင်ပလေထု၏ ဖိအားထက် နည်းသွားပါက vacuum valve ပွင့်၍ expansion tank မှ coolant များ ရေတိုင်ကီ ထဲသို့ပြန်လည် စီးဆင်း ဝင်ရောက် စေသည်။
🚘🚘🚘🚘🚘

Credit... ၀ိုင်ကေတီ (စက်မှု)